Text downloads & AI access AI / raw text access: plain section HTML · section TXT · section Markdown · section JSON · all sections list · complete work TXT · complete work Markdown · all plain-text books · AI instructions
Use this for exact quotes / later sections / non-JS tools

Use the section links above for static crawlable text of this page. Complete-work downloads are listed when available.

More

🙏
Reader › Zohar Chadash › פרשת נשא
A A

Sections

פרשת נשא
פרשת נשא

Zohar Zohar Chadash - פרשת נשא

זוהר הקדוש - זוהר חדש / Zohar - Zohar Chadash

1

(במדבר ו) וַיְדַבֵּר ה' כו', כֹּה תְבָרַכוּ. תָּא חֲזֵי, כֵּיוָן דִּשְׁלִיחַ צִבּוּר סִיֵּים צְלוֹתֵיהּ, וְאָתָא לְבָרְכָא בִּרְכְתָא דְּכַהֲנֵי, אִצְטְרִיךְ וַדַּאי לְכַוְּונָא בִּרְעוּתָא דְלִבָּא, לְבָרְכָא לֵיהּ לְעַמָּא קַדִּישָׁא. דִּי בְּעוֹבָדָא וּבְמִילּוּלָא, קָשִׁיר קִשּׁוּרָא דְּיִיחוּדָא. וְיִשְׁתַּכַּח דְּעַל יָדֵיהּ מִתְבָּרְכִין עִילָאִין וְתַתָּאִין. וּכְדֵין בָּעֵי לֵיהּ שְׁלִיחַ צִבּוּר לְמֵימַר, יְבָרֶכְךָ ה' כְּלַפֵּי הַהֵיכָל.

1

Translation not yet available

2

וְיִשְׁמְרֶךָ, לְאִסְתַּכָּלָא לְסִטְרָא דְיָמִינָא דִּילֵיהּ, לְאַמְשָׁכָא חוּטָא דְחֶסֶד עַל עַמָּא קַדִּישָׁא בְּקַדְמִיתָא. וּלְבָתַר יֹאמַר יָאֵר ה', כְּלַפֵּי הַהֵיכָל. פָּנָיו אֵלֶיךָ וִיחֻנֶךָֹּ, וְיִסְתַּכֵּל לְסִטְרָא דִשְׂמָאלָא דִּילֵיהּ, לְיַיחֲדָא בְּיָמִינָא. בְּגִין דִּמְקוֹרָא דְּבִרְכְתָא מִסִּטְרָא דְיָמִינָא הוּא. וּכְדֵין כָּל סִטְרָא דִשְׂמָאלָא אִסְתַּלַּק, וְלָא הַוְיָיא נִזְקָא כְּלָל.

2

Translation not yet available

3

וּכְדֵין, יִשָּׂא ה' פָּנָיו אֵלֶיךָ וְיָשֵׂם לְךָ שָׁלוֹם, וְדָא הוּא צְלוֹתָא שְׁלִים. וַוי לֵיהּ, לְמַאן דְּאָתָא לִמְפַתֵּי לְמָארֵיהּ, בְּלִבָּא רְחִיקָא, וְלָא בִּרְעוּתָא שְׁלֵימָתָא, כְּמָה דְאַתְּ אָמֵר, (תהלים עח) וַיְפַתּוּהוּ בְּפִיהֶם וּבִלְשׁוֹנָם יְכַזְּבוּ לוֹ וְלִבָּם לֹא נָכוֹן עִמּוֹ.

3

Translation not yet available

4

וְדָא הוּא שְׁלִיחָא דְצִיבּוּרָא, דְּיִסְתַּכֵּל בְּקַדְמִיתָא בְּסִטְרָא דִשְׂמָאלָא דִּילֵיהּ, בְּגִין דְּיִתְעוֹרֵר סִטְרָא דְדִינָא בְּקַדְמִיתָא, וְעַל יְדֵיהּ הֲוֵי פֵּירוּדָא, וְלָא קִישּׁוּרָא. דְּיִחוּהָא דִצְלוֹתָא וּבִרְכְתָא, תַּלְיָיא בְּדִיבּוּרָא וּבְמִילּוּלָא דְפוּמָא, וְכוֹלָא תַּלְיָיא בְּעִיקָּרָא דְעוֹבָדָא. וּמַאן דְּלָא יְדַע עִיקְּרָא דְּעוֹבָדָא, לָאו עֲבִידְתֵּיהּ עֲבוֹדָה. וְאִי פָּגֵים עוֹבָדָא מִילּוּלָא, לָא אַשְׁכַּח אֲתַר לְשַׁרְיָיא בֵיהּ בִּרְכְתָא.

4

Translation not yet available

5

וְלָאו אִיהוּ צְלוֹתֵיהּ צְלוֹתָא. וְאִתְפְּגֵים הַהוּא בַּר נָשׁ לְעֵילָא וְתַתָּא. וַוי לְהַהוּא בַּר נָשׁ דְּפָגֵים צְלוֹתֵיהּ פּוּלְחָנָא דְמָארֵיהּ. עֲלֵיהּ כְּתִיב, (ישעיה א) כִּי תָבֹאוּ לֵרָאוֹת כו', רְמֹס חֲצֵרָי לֹא תוֹסִיפוּ הָבִיא וְגו' לֹא אוּכַל אָוֶן וַעֲצָרָה.

5

Translation not yet available

💬 Comments

…

Comments are currently read-only.

Loading comments…