Text downloads & AI access AI / raw text access: plain section HTML · section TXT · section Markdown · section JSON · all sections list · complete work TXT · complete work Markdown · all plain-text books · AI instructions
Use this for exact quotes / later sections / non-JS tools

Use the section links above for static crawlable text of this page. Complete-work downloads are listed when available.

More

🙏
Reader › Tikunei Zohar › דף קלה ע''א
A A

Sections

תקונא שבעין
דף קלה ע''א

Zohar Tikunei Zohar - דף קלה ע''א

זוהר הקדוש - תיקוני הזוהר / Zohar - Tikunei Zohar

1

יְדִין אִינוּן מְשַׁמְּשִׁין דְּגוּפָא, רַגְלִין שְׁלִיחָן דְּגוּפָא, וַעֲלַיְיהוּ אִתְּמַר (תהלים קד ד) עוֹשֶׂה מַלְאָכָיו רוּחוֹת, מְשָׁרְתָיו אֵשׁ לוֹהֵט, וּמְשַׁמְּשִׁין דְּגוּפָא תְּרֵין דְּרוֹעִין, אִינוּן ע''ב עַנְפִין דְּוַיִּסַּע וַיָּבֹא וַיֵּט, אִלֵּין אִינוּן עַנְפֵי דְאִילָנָא, שָׁרְשָׁא דְאִילָנָא אִינוּן שְׁלִיחָן, וְאִינוּן שַׁבְעִין וּתְרֵין ע''ב עִלָּאִין לָקֳבֵל שַׁבְעִין וּתְרֵין תֵּיבִין, דְּאִינוּן מִן וְהָיָה (דף קלה ע''א) אִם שָׁמֹעַ עַד וְשַׂמְתֶּם, וְשִׁבְעִים וּתְרֵין אָחֳרָנִין אִינוּן דְּפָרָשַׁת צִיצִית, רֵישָׁא

1

Translation not yet available

2

דְאִילָנָא, מְשַׁמְּשִׁין דִּילֵיהּ דְּאִינוּן שׁוֹפְטִים וְשׁוֹטְרִים, אִינוּן מ''ב תֵּיבִין מִן וְאָהַבְתָּ עַד וְהָיָה, גּוּפָא (נ''א נופא) דְאִילָנָא מְמַנָּן וּשְׁלִיחָאן דִּילֵיהּ, חַמְשִׁין תֵּיבִין דְּאִינוּן מִן וְשַׂמְתֶּם אֶת עַד וַיֹּאמֶר.

2

Translation not yet available

3

שִׁבְעָה שְׁמָהָן דְּרֵישָׁא דְסָלְקִין לְמ''ב, אִינוּן אְבָגְיֶתֵץ וכו', רְקִיעָא קַדְמָאָה אבגית''ץ, וּנְקוּדָה דִילֵיהּ יְהָוֶהֵ, דְּנָפְקִין מֵאִלֵּין רָאשֵׁי תֵּיבִין בְּרֵאשִׁית בָּרָא אֱלהי''ם אֵת, וְאִית תַּמָּן תְּמַנְיָא מַבּוּעִין, דְּנָפְקִין מִצִּנּוֹרָא חֲדָא, דְאִיהוּ רָקִיעַ, וְאִינוּן תְּמַנְיָא נִצּוֹצִין, וְרָקִיעַ תִּנְיָינָא קַרְעִִ שְטָן, וּנְקוּדָה דִלְהוֹן וַיֹּאמֶר אֱלהי''ם יְהִי רָקִיעַ וְדָא יַהֱוְ''הָ, תְּלִיתָאָה נַגְדֶיִכַש נְקוּדָה דִילֵיהּ וַיּאמֶר אֱלהי''ם יִקָּווּ הַמַּיִם, וְדָא יַהֱוִ''הַ, רְבִיעָאָה בַטְ''רָ

3

Translation not yet available

4

צְתְ''ג, נְקוּדָה דִילֵיהּ וַיֹּאמֶר אֱלהי''ם יְהִי מְאֹרֹת, וְדָא יַהוְ''הְ, חֲמִשָּׁאָה חַקְ''בֶ טִנַ''ע, וּנְקוּדָה דִילֵיהּ וַיֹּאמֶר אֱלהי''ם יִשְׁרְצוּ הַמַּיִם, וְדָא יַהֱוִ''הַ, שְׁתִיתָאָה יַגְלֶ פֹזָק, נְקוּדָה דִילֵיהּ וַיֹּאמֶר אֱלהי''ם תּוֹצֵא הָאָרֶץ, וְדָא נְקוּדָה יַהֱוֹהָ, שַׁקְ''וְ צִיָ''ת, דָא נְקוּדָה שְׁבִיעָאָה כָּלִיל בְּיוֹמָא שְׁתִיתָאָה, וַיֹּאמֶר אֱלהי''ם הִנֵּה נָתַתִּי, וְדָא יַהֱוִ''הָ.

4

Translation not yet available

5

תָּא חֲזִי אִית שְׁמָהָן דְּאוֹרַיְיתָא דְנָפְקִין מֵרֵישֵׁי תֵּיבִין דְּכָל פְּסוּקָא וּפְסוּקָא דְאוֹרַיְיתָא, וְאִית שְׁמָהָן דְּנָפְקִין מִסּוֹף תֵּיבִין, וְאִית דְּנָפְקִין מֵאֶמְצָעִיתָא, וְרָזָא דְמִלָּה (נ''א דכלא) (ישעיה מד ו) אֲנִי רִאשׁוֹן וַאֲנִי אַחֲרוֹן וּמִבַּלְעָדַי אֵין אלהי''ם, וְאִית שְׁמָהָן דְּנָפְקִין מִתְּרֵין אַתְוָון כָּל חַד וְחַד, וְאִית מִתְּלַת תְּלַת, וְאִית מֵאַרְבַּע, וְאִית מֵחָמֵשׁ, עַד עֲשָׂרָה, אִינוּן מֵעֲשַׂר סְפִירָאן תַּלְיָין, מִתְּרֵין עֲשַׂר אִינוּן תַּלְיָין מִכֶּתֶר עִלָּאָה, כְּגוֹן יואאחצ''צבירון,

5

Translation not yet available

6

בְּהַאי שְׁמָא תַּמָּן אָח, תַּמָּן צִיץ, תַּמָּן אַבִּיר, תַּמָּן יָרוֹן, דָּא שְׁמָא דְתַלְיָא מִכִּתְרָא עִלָּאָה, כָּל שְׁמָא דְאִיהוּ מִתְּרֵין עֲשַׂר אַתְוָון, אִיהוּ בְּרָזָא דְאַלֶּ''ף, דְּאִיהוּ פֶּלֶ''א, וַעֲלֵיהּ אִתְּמַר (תהלים קלט יד) אוֹדְךָ עַל כִּי נוֹרָאוֹת נִפְלֵאתִי נִפְלָאִים מַעֲשֶׂיךָ, וּתְרֵין עֲשַׂר שְׁמָהָן אִנּוּן אחצצביההירו''ן, (ס''א יואחציצבירו''ן), (ס''א אהצצביהרירו''ן), (נ''א אהה נצב הרירו''ן), כָּל חַד מִתְּרֵין עֲשַׂר אַתְוָון, וְאִינוּן מְמַנָּן עַל תְּרֵין עֲשַׂר צִנּוֹרִין, דְּנָפְקִין מִמְּקוֹר עִלָּאָה

6

Translation not yet available

7

דְלֵית לֵיהּ סוֹף, וְאִינוּן מִסִּטְרָא דַאֲרִיךְ אַנְפִּין דְּאִיהוּ וָא''ו, וְאִינוּן הֵ''א הֵ''א, יוּ''ד אִיהוּ כ' כֶּתֶר בְּרֵישָׁא דְא' (נ''א דא) דְּאִיהוּ אֶרֶךְ אַפַּיִם, דְּאִיהוּ וָא''ו, א' אִיהִי אוֹרַיְיתָא, דְאִיהִי אִתְיְיהִיבַת בִּתְרֵין לוּחִין דְּאִינוּן ו' ו', וְאִית כִּתְרָא דִזְעִיר אַנְפִּין דְּאִתְּמַר בֵּיהּ (איוב לו ב) כַּתַּר לִי זְעִיר וַאֲחַוְּךָּ, וְכַמָּה כִּתְרִין אִינוּן, כֶּתֶר תּוֹרָה וְכֶתֶר כְּהוּנָה וְכֶתֶר מַלְכוּת.

7

Translation not yet available

8

מַאי אִית בֵּין כֶּתֶר לַעֲטֶרֶת, אֶלָּא כֶתֶר אִיהוּ מִסִּטְרָא דְא', דְּאִיהוּ בְדִיּוֹקְנָא דְאָת יוּ''ד, דְּסָלִיק כ', וְדָא א' מִן אהי''ה, דְּאִיהוּ כֶּתֶר דַּאֲרִיךְ אַנְפִּין, א' מִן אדנ''י כֶּתֶר דִּזְעִיר אַנְפִּין, י' מִן יהו''ה אִיהִי עֲטָרָה עַל סֵפֶר תּוֹרָה דְאִיהוּ ו', וְאִית י' לְתַתָּא וְאִיהִי י' מִן אדנ''י, דְּאִיהִי עֲטָרָה בְרֵישָׁא דְכָל צַדִּיק, לֵית סְפִירָה דְלָא אִית לָהּ עֲטָרָה עַל רֵישָׁא וְכֶתֶר, וַעֲטָרָה דְאִיהִי י' אִיהִי עֲטָרָה דִבְרִית מִילָה, דְסָלִיק לְמֵאָה, עֵשֶׂר זִמְנִין עֵשֶׂר מֵאָה, וְאִיהִי עַל כָּל

8

Translation not yet available

9

פִּקּוּדָא וּפִקּוּדָא, וְכַמָּה עִלּוֹת אִינוּן עַל עִלּוֹת דְּסָלְקִין עַל כָּל בִּרְכָאָן וּפִקּוּדִין.

9

Translation not yet available

💬 Comments

…

Comments are currently read-only.

Loading comments…