Text downloads & AI access AI / raw text access: plain section HTML · section TXT · section Markdown · section JSON · all sections list · complete work TXT · complete work Markdown · all plain-text books · AI instructions
Use this for exact quotes / later sections / non-JS tools

Use the section links above for static crawlable text of this page. Complete-work downloads are listed when available.

More

🙏
Reader › Tikunei Zohar › תקונא שיתסר
A A

Sections

תקונא שיתסר
תקונא שיתסר

Zohar Tikunei Zohar - תקונא שיתסר

זוהר הקדוש - תיקוני הזוהר / Zohar - Tikunei Zohar

1

בְּרֵאשִׁית דָּא חַלָּה, הֲדָא הוּא דִכְתִיב (במדבר טו כ) רֵאשִׁית עֲרִיסוֹתֵיכֶם חַלָּה תָּרִימוּ תְרוּמָה, וְהָא אוּקְמוּהוּ דְאָדָם חַלָּתוֹ שֶׁל עוֹלָם הֲוָה, וּמְנָא לָן דְּחַלָּה אִיהוּ רֵאשִׁית, דִּקְרָא אוֹכַח הֲדָא הוּא דִכְתִיב רֵאשִׁית עֲרִיסוֹתֵיכֶם חַלָּה תָּרִימוּ תְרוּמָה לַיְיָ', מַאי חַלָּה, אֶלָּא שִׁבְעָה מִינִין אִינוּן, חִטָּה וּשְׂעוֹרָה וְגֶפֶן וּתְאֵנָה וְרִמּוֹן אֶרֶץ זֵית שֶׁמֶן וּדְבָשׁ, דְּהוּא דְבַשׁ תְּמָרִים.

1

Translation not yet available

2

חִטָּה אִילָנָא אִיהוּ דְאָכִיל מִנֵּיהּ אָדָם קַדְמָאָה, וְאִיהוּ לָא אַפִּיק מִתַּמָּן חַלָּה, וּבְגִין דָּא לָא חָל בֵּיהּ ה', וְשַׁרְיָא בֵיהּ ח' ט', וְגָרִים לֵיהּ מוֹתָא. וְחַלָּה אִיהִי שְׁכִינְתָּא, כְלִילָא מִשִּׁבְעָה מִינִין אִילֵין, וּבָהּ חָב אָדָם קַדְמָאָה, טִפָּה דָא י', עִסָּה צָרִיךְ לְאַפָּקָא מִינָהּ חַלָּה, וּמִיָּד חָל עַל הַהִיא טִפָּה, וְיָהִיב לֵיהּ זֶרַע כְּלִיל מִתַּרְוַיְיהוּ דְאִיהוּ ו', וְרָזָא דְמִלָּה הֵ''א לָכֶם זֶרַע (בראשית מז כז).

2

Translation not yet available

3

וּבְגִין דָּא חַלָּה וַדַּאי אִיהִי פִּקּוּדָא דְאִתְמַנִּי לְאִתְּתָא, דִּבְגִינָהּ מֵת אָדָם דְּאִיהוּ חַלָּתוֹ שֶׁל עוֹלָם, צְרִיכָה אִיהִי לְאַפְרָשָׁא חַלָּה, וּלְאַפָּקָא לָהּ מֵעִסָּתָהּ, דְּאִיהִי טִפָּה דִילָהּ, לְהַחֲזִירָה עַל הָאָדָם.

3

Translation not yet available

4

אִיהִי אַטְפַת שָׁרְגָּא דִילֵיהּ, דְּאִתְּמַר בֵּיהּ (משלי כ כז) נֵר יְיָ' נִשְׁמַת אָדָם, צְרִיכָה לְאוֹקָדָא לֵיהּ בְּלֵיל שַׁבָּת, בְּאִתְעָרוּ דְשַׁלְהוֹבִין דְּאֶשָּׁא דִרְחִימוּ לְגַבֵּי בַעִִלָהּ, וְרָזָא דְמִלָּה מַיִם רַבִּים לֹא יוּכְלוּ לְכַבּוֹת אֶת הָאַהֲבָה (שיר א ז), וְאִתְעָרוּ דְחַמִּימוּתָא דְלֵיל שַׁבָּת, מֵאִתְּתֵיהּ צְרִיכָה בִרְחִימוּ וּדְחִילוּ, וְדָא אִיהוּ אִשָּׁה כִּי תַזְרִיעַ וְיָלְדָה זָכָר (ויקרא יב ב).

4

Translation not yet available

5

אִיהִי שְׁפִיכַת דָּמִים דְּאָדָם, אִזְדְּרִיקַת דָּמָהּ, וְעַל דָּא צְרִיכָה לְנַטְרָא לֵיהּ מִדַּם נִדָּה, וּבְגִין דָּא עַל תְּלַת מִלִּין אִלֵּין נָשִׁים זְהִירוֹת, בַּנִּדָּה וּבַחַלָּה וּבְהַדְלָקַת הַנֵּר, עַד כַּאן רָזָא דְחִטָּה, דְמִתַּמָּן חַלָּה, חִטָּ''ה אִיהוּ רָזָא דְעִִשְׂרִין וּתְרֵין אַתְוָון דְּאוֹרַיְיתָא.

5

Translation not yet available

💬 Comments

…

Comments are currently read-only.

Loading comments…